金鶴拉麵 (荷李活道) (已結業)

去完大馆就嚟天黑，嗱嗱声食个早晚饭就返屋企，原间餐厅又有拉面又有鳗鱼饭串烧等，选择都几多，所以一于一试。我哋点左2碗拉面，见到Menu入边有蟹肉汤拉面，觉得几特别好想一试，见到蟹肉好多，可以讲系一堆蟹肉，好精彩，汤底好清甜，面条口感软硬度适中，最钟意佢只糖心蛋，份量超多，食完劲饱。店员话呢度出名鸡汤拉面，极浓鸡汤就重口味啲，所以我哋嗌咗普通鸡汤拉面，鸡汤唔油腻，我好钟意佢块鸡肉，原来系慢煮鸡肉，唔怪得知咁滑，配埋木耳丝一齐食，真系几好味㖞。呢度原来有埋串烧可以食，我哋想试吓，所以叫咗一款烧明太子鸡翼，鸡翼去骨，而且明太子辣辣地，外皮烧到有少少脆口，几好味，走的时候先见到有龙虾拉面，下次有机会要试埋先。