一幻拉麵 (已結業)

有coupon先去食，收加一有啲唔扺，因为根本冇服务可言，一入座就系落单上菜，直到埋单你先会再见到店员。座位有齐拉面胡椒粉，蒜蓉，同水杯水龙头，全部自助式。要左虾汤原味盐味幼面（＄88），虽然粗面先系推介，但今日下午已经食车仔面已经食左粗面，就想试下其他。闻落虾味好足，真材实料先煮到咁香，但饮落去略微冇想像中咁浓味同鲜，可能要浓味会好啲，但都系好饮嘅。汤偏清同稀，所以唔会食到好腻，但食耐左面汤溶合就变浓汤。面份量都多，细食嘅可以要少面。可以拣有天妇罗碎，就系面头红色𠮶啲，浸耐左冇咁好食。有蛋同叉烧，蛋溏心做得几好，但可以再入味啲。叉烧有两块，肥瘦均匀，厚度啱啱好。 整体嚟讲拉面价钱合理 上面虽然未去到惊艳，但如果经过揾唔到好食嘅，入去食碗拉面都唔错。