麵屋神匠

营业中

休息中

成日行过油麻地站行去登打士街中间𠮶条巷仔就会见到一间拉面店嘅装修比较别致，望落几好食，今次收工之后终于有机会去试吓。入到去系浓浓嘅日本气息。今次我哋食咗两款唔同嘅拉面，分别系浓厚虾汤拉面同埋火炙叉烧酱油拉面。小食系嗌咗脆炸鸡软骨，加咗只溏心蛋。系等紧上菜嘅时候，我哋隔篱枱一样嗌咗个虾汤拉面，摆上枱嘅时候浓浓嘅虾香味飘过嚟，真系闻到都流晒口水。今次嘅mvp真系虾汤拉面，唔止闻落去好香，食落去都颇浓郁，拉面都好挂汁，所以每一啖都系一个享受。可能因为咁，显得酱油拉面就不过不失啦。啲叉烧系几香口软熟。个炸鸡软骨加咗啲调味料，所以食落去好香口而且佢炸得唔干，如果啤酒配嚟食应该几正。糖心蛋都见佢整得啱啱好，唔会太熟。