影片
更多
2011-05-11
27 浏览
前排，金装炖奶佬推出咗2个抗通涨套餐，一个系珍宝吉列虾皇配野菌海鲜天使面，包餐汤、饮品，卖$36（原价话系$49）；另一个系铁板带子汁肉眼扒（配白饭、意粉或薯菜），包餐汤、饮品，卖$38（原价话系$51），咁嘅价本身已经平过啲连锁快餐店。点知，Groupon晌四月做咗个团购，前者虾皇收$26，后者肉眼扒收$28，平成咁都未止，仲要餐饮可拣特饮，怕你未够尽兴，再加送招牌蛋白炖奶，咁嘅组合，收咁嘅价，实行全民抗通涨，蚀住嚟做，虽然使用期限只得6日（4月16日至21日），但揾晚煮少餐饭出街食，仲系虾虾、扒扒，绝对造反有理啦！依个团购一出，卖出咗成近三千个。屋企附近间炖奶佬，除咗新开张初期，都好似好耐未见过人龙喇！，时为7:30pm，虽然都有成约10个8个人等位，但都算几快㖞。如果你肯搭枱，仲快有得坐呀！由于系为团购券而嚟，坐低无需谂食乜，只系餐汤拣中定西，餐饮饮咩好。餐汤唔系红汤白汤，而系中汤西汤俾你拣。我就要中汤，太太要西汤，中汤系青红萝卜煲猪骨，大路嘅例汤，不过不失；西汤系罗宋汤，估唔道味道咁浓郁，酸酸辣辣，醒胃得很呀！西汤比中汤胜一筹。珍宝吉列虾皇配野菌海鲜天使面唔讲得笑，只虾都真系足
依个团购一出，卖出咗成近三千个。屋企附近间炖奶佬，除咗新开张初期，都好似好耐未见过人龙喇！，时为7:30pm，虽然都有成约10个8个人等位，但都算几快㖞。如果你肯搭枱，仲快有得坐呀！由于系为团购券而嚟，坐低无需谂食乜，只系餐汤拣中定西，餐饮饮咩好。
餐汤
唔系红汤白汤，而系中汤西汤俾你拣。我就要中汤，太太要西汤，中汤系青红萝卜煲猪骨，大路嘅例汤，不过不失；西汤系罗宋汤，估唔道味道咁浓郁，酸酸辣辣，醒胃得很呀！西汤比中汤胜一筹。
珍宝吉列虾皇配野菌海鲜天使面唔讲得笑，只虾都真系足9吋长，无负珍宝之名，吉列脆炸，绝对香口，唔太油，系嫌佢层粉浆厚啰，咬落亦有虾鲜味，都OK㖞。天使面比预期中煮得好，因为天使面比较幼，所以晌外面食好多时都煮到烂，但今趟啲面无过腍，仍有一定嘅弹性；酱汁就只系一般白汁，味淡薄，配以野菌、冬菇、鸡脾菇、蟹柳同迷你带子粒。
铁板带子汁肉眼扒肉眼扒要5乘熟，跟薯菜，配黑椒汁，两者份量都唔少，不过啲带子就迷你得紧要，差啲睇漏眼以为系薯仔粒。铁板喳喳声，黑椒汁带嚟香喷喷既香味，肉眼扒够晒腍滑，肉味就一般啦，切开仲带丁点血水，5乘熟啱啱好，不过，稍咸就变得味道大打折扣喇。薯仔粉香，蕃茄鲜甜，系对椰菜麻麻啫！
餐饮今次同太太不约而同都系拣咗热朱古力，原来系唂咕，比一般朱古力粉冲嘅嚟得香夹浓，略带苦，正！以前曾经有朋友话，唂咕咪即系朱古力，其实应该系两样嘢，唂咕系纯可可豆而制成，无添加，朱古力就沟咗其他材料而成，有添加。
蛋白炖奶有冻有热拣，两款都叫晒，可以比较一下有咩分别，原来真系好唔同，当然唔系冻热之分啦。整碗蛋白炖奶无加任何蛋黄，只系蛋白同牛奶，冻嘅比较哑色少少，而且炖奶面又较皱，不过炖奶质感较挺身，可以大羹大羹咁食，仲有就奶味超浓；热嘅就超白超滑，质感反而削身啲，不过入口好滑溜，一食就「sir」落喉咙。冻热都各有特色，都不愧为招牌甜品，单叫都要成$13碗架！
由于，整晚都好旺场，由我哋等位到食完走人，都维持到九乘几满，有啲招呼唔彻嘅情况出现，服务有啲甩甩漏漏咁，而且上餐速度奇快，餐汤、主菜、餐饮都差唔多近乎一齐到，效率果然惊人，慕求做多几轮生意。好彩，个炖奶食晒个餐叫上佢先上，如果唔系一枱都系之余，个热蛋白炖奶可能摊冻晒，效果又唔同咗。成餐饭有好有唔好，其实都想掹车边咁俾个笑佢，但考虑到主菜比较多唔理想嘅地方，都系俾住个OK佢先啦！依家百物腾贵，食个晏仔都三几十啦，何况晚餐，希望各大连锁快餐店继续造反，做多啲反通涨嘅抵食套餐，共渡时艰抗通涨，等大家荷包唔使日日抆抆紧，令星斗市民既享好嘢，又可悭番啲！
张贴
