影片
更多
2013-05-17
30 浏览
还未嚟过「季季红」，但三月中就去咗一趟属同一集团嘅「家常便饭」，出席Openrice大搞嘅试食活动，上次嘅试食会可能喺奥海城新店出台，仲未正式开业，兼且一下子要应付80多人嘅制作，好几道𩠌菜都未如理想，创意新菜虾禾米蛋卷，更喺希望越大就失望越大。以「家常便饭」湾仔店嘅食评睇，应该好唔错，仲记得细妹都晌蓝地总店食过佢嘅虾禾米乳香猪，仲大赞特赞，所以对季季红本店仍有一定期望。期望终于变成期待，经食友引荐，卒之晌今晚嚟到季季红湾仔店出席「生日季季猪宴」，一尝其招牌虾禾米乳香猪，以及多款巧手围村风味菜式。由入门口开始，经两组扶手电梯，以至进入堂座大厅，都以鲜橙红色为主调，周围久不久就见到小猪嘅摆设，贯彻酒家以猪闻名嘅特色。大厅嘅装修其实有少少传统，尤其啲櫈，颇有怀旧味道，近窗一排卡位，其他就喺大大细细嘅圆枱，排列得比一般酒家松动。不过，是晚饭局则安排晌独立厢房，自成一角，零骚扰，而且地方颇大，足可摆上两围酒席。餐前小食外间常见都喺花生、咸菜之类，季季红嘅就喺猪头肉，卤过嘅猪头肉切成小片，咸香柔韧，都好耐无食过喇！镇店虾禾米乳香猪第一道菜上场，当然喺镇店名菜「虾禾米乳香猪」。据经理讲，乳猪仔用上
由入门口开始，经两组扶手电梯，以至进入堂座大厅，都以鲜橙红色为主调，周围久不久就见到小猪嘅摆设，贯彻酒家以猪闻名嘅特色。大厅嘅装修其实有少少传统，尤其啲櫈，颇有怀旧味道，近窗一排卡位，其他就喺大大细细嘅圆枱，排列得比一般酒家松动。不过，是晚饭局则安排晌独立厢房，自成一角，零骚扰，而且地方颇大，足可摆上两围酒席。
餐前小食外间常见都喺花生、咸菜之类，季季红嘅就喺猪头肉，卤过嘅猪头肉切成小片，咸香柔韧，都好耐无食过喇！
镇店虾禾米乳香猪第一道菜上场，当然喺镇店名菜「虾禾米乳香猪」。据经理讲，乳猪仔用上未足月嘅广西长白公猪，贪佢肉瘦脂肪少，肉纹顺溜幼细皮够薄；而做法将混有虾米、芋头、火腿嘅米饭炒香，塞满乳猪仔内腔，扎实后再烧香至金黄皮脆。依家仲搞吓「花臣嘢」，戴晒生日帽插埋蜡烛，化身为生日猪，总觉得生日猪个概念麻麻，但人多高兴开餐前唱首生日歌又何妨吖！要品尝只「乳香猪」，仲有好多功夫，由专人帮只猪仔拆线剪肉，再铺番得整整齐齐，砌番个猪仔样先为止大功告成。乳猪皮果然够脆，一咬咔嚓应声碎开，皮下脂肪都真喺相对少，但外皮都仍带少少油，而瘦肉部份调味几好，无经常食到乳猪或烧肉过咸嘅毛病，虽然喺未足月嘅乳猪仔，但肉味都唔差㖞。「虾禾米」部份又如何？炒饭晌烧乳猪仔嘅过程吸收咗肉汁同油香，小弟都担心会过油，但估唔到入口又几爽身㖞，仲有份咸香，总算无点失望！温馨提示，乳香猪连炒饭几足份量，无得十松啲人都唔好随便叫成只！
冰镇原只鲍鱼伴莴苣鲍鱼采用南非孔雀鲜鲍，因为唔喺干鲍，所以鲍鱼味唔会点浓，主要食其爽弹柔韧，原只鲍鱼灼熟再冰镇，观感如玉石，以刀叉切薄片蘸日本芥辣嚟食，夏天食依道菜就最好，好有透心凉嘅感觉。而配菜莴苣又几有新鲜感，莴苣喺乜？其实就喺油麦菜嘅心，食落清甜爽脆。整道菜以鲍鱼、莴苣相间圆形排到，中间又摆放唔少蔬菜做嘅装饰，卖相已可以执到唔少分。
猪肺顶蝴蝶腩菜胆汤食完个乳香猪，有个冰镇鲍鱼凉一凉都仲未够，嚟个汤水润一润就最好不过。经理话依个喺店内嘅招牌汤水，以大量猪骨去熬制，完全无加味精，单单就咁加入猪肺、蝴蝶腩（黐住猪肺侧边嘅肉）及大白菜同煲成老火汤，所以入口就喺猪肺同白菜味，感觉几甜润。另外，一整碟汤渣奉上，以证真材实料无欺场，可惜无得添饮。
潮式卤水拼盆季季红唔喺卖咩名贵菜式嘅酒家，都喺想以大众化价钱提供俱色香味嘅围村佳肴，所以，依碟有齐猪耳、猪头肉、猪肚、猪脷、猪肠嘅卤水「猪宝」，一样可以上到大枱列为酒席菜式。基本上都卤得入味，而猪肠亦洗得干净，猪燥味有一点点，不过好此道嘅人唔会觉得喺咩问题，正如食得羊嘅人都唔膻。但喺，个人而言，依道菜佐啤酒比当𩠌菜就咁食较合适啲。
红菜头西芹云耳鲜淮山食咗咁多肉，又内藏，嚟番个素菜平衡吓都要喇。今回个素菜几特别，红菜头、鲜淮山都喺少食嘅嘢。血红色嘅红菜头，味道未必人人钟意，咬落「实实哋」，但就好有营养价值，含丰富矿物质，补血功能强，纤维极高帮助消化，仲可以抗氧化、防癌、抗衰老、抗自由基，你话几厉害呢！唔好以为小弟咁识嘢，都喺听大家讲嘅啫，所以我都密密食多几件，哈哈。此外，西芹、云耳、鲜淮山……等，入口爽脆，而且西芹起晒丝，唔会食到一口渣，虽则卖相唔讨好，但健康至紧要。
松子五柳大桂皇大桂皇用上野生桂花鱼，眼前嘅大桂皇应该都有3、4斤重，桂花鱼可塑性高，炒球、炆腩都得，但原条嘅最好就用嚟做松子鱼，十字鎅花如松果，卖相悦目吖嘛。睇相都见师傅手功上乘，出嚟嘅效果坑纹够深，又无甩漏嘅情况，否则鎅得浅松果坑纹唔突出，鎅得深炸起后鱼肉可能会散甩唔好睇；最贴心喺即场先淋上自家制嘅五柳酱（腌制蔬菜制成嘅传统广东酱汁），更觉鲜艳抢眼。食此菜要诀，就喺淋完酱汁要快手新鲜食，咁先食得到外层甘香松脆，内里鱼肉细嫩，味道酸甜有致，感觉酸香醒胃。喺㖞，题外话讲一讲，何解菜名以「松子」为名？常见都喺「松子鱼」，有时候考究吓先！
砵酒焗爽蚝蚝只喺自家晌元朗生晒，所以质素稳定有保证，原来采用半干湿嘅蚝嚟做依道菜，优点喺食落似生蚝咁腍滑，但又较之为蚝味稍浓一点。蘸粉浆脆炸再焗，入口蚝身又算不上好爽，但大大件蚝肉肥美好有咬口，蚝味亦不俗。
玫瑰头抽黄金鸡做法跟做豉油鸡差唔多，但黄金鸡色泽比常见嘅豉油鸡仲要深色，原来用咗玫瑰露、头抽……等纯酱油嚟做，无加水，故此味道比较醇香。肉质方面，难得咁入味但又唔嚡，皮下脂肪又唔多，果然喺自家农场嘅走地鸡呀，认真唔错！
杨枝甘露．杞子桂花糕最后嘅「美点双辉」唔喺普普通通嘅红豆沙、合桃酥之类，而喺杨枝甘露同杞子桂花糕，我依类甜品鬼见愁，咩甜点都啱，而今晚两款饭后甜品就更啱小弟心水。之不过，以小弟个人尺度，就唔多合格喇。杨枝甘露晌味道上绝对无问题，西米多，柚肉多，芒果肉亦都香甜，只喺打个芒果汁底唔知点解咁多「忌廉粒」浮浮吓，我𠮶碗已经唔算严重，但就极之影响卖相。桂花糕做晒坑纹边，都睇到有花少少心机，不过，实在太多桂花，虽则清香，但桂花嘅梗枝叫人食起嚟有啲巉口嘅感觉。
对整晚嘅菜式都好满意，尤其个红菜头同大桂皇，喺两款甜点失色啲。以三千零蚊一围嘅定价，试到多款手本招牌嘢，算食得过㖞！湾仔店开咗成年，发觉劣评都唔少，大部份集中晌开店初期，尤其喺茶市市段，食物质素有不少问题，而最多投诉喺个服务，晚市亦偶有劣评。虽然季季红卖嘅喺风味菜，点心唔喺佢哋手本，但作为一家酒家，难以靠一猪走天涯，既然冲出咗屯门，仲开咗好几间分店，自然想做大佢，希望店方继续努力，有问题嘅地方得以修正，点心、烧味、小菜……等等都精益求精，菜式保持著有今晚嘅水准，好让食客都食过翻寻味。晌度再次多谢店家款待！
张贴
