蝦麵店 (荃新天地) (已結業)

喺荃湾新天地发现到有一间专食虾面汤底嘅店，我哋叫咗个二人餐，可以拣唔同嘅汤底，同埋配料，仲有四个小食，再加两杯嘢饮，仲有两个甜品， 真系好多嘢食，两个人食到捧住个肚走。。 我就叫咗个辣虾汤底，配料就系虾肉，同埋鱿鱼，个虾汤底辣辣地，跟住好浓味，仲有好多好多虾肉系个底系个汤底𠮶度，另一半就嗌咗咖哩叻沙，虾肉肉骨配料，叻沙都完全冇失望，都系一样咁好食。前菜方面就有个马来香炸鸡翼，仲有沙嗲酱杂锦鱿鱼秋葵乐乐，仲叫咗一个炸豆腐，同埋沙嗲鸡串，沙嗲鸡串腌得好入味，仲有肉汁，炸豆腐都系外脆内软，另外鸡翼个味道系特别腌制过嘅。甜品方面就嗌咗个阿参脆多士，同埋渣咋，个多士酸酸甜甜都几开胃，个摩摩喳咋都好多料，d芋头好香。