蝦麵店 (海光街) (已結業)

同朋友有事黎到呢头，见到呢间餐厅神奇地系两巷之间，俾个虾字吸引咗，就系度食晚饭了。有一人餐拣唔驶烦，各自叫咗一个。朋友极想食串烧，所以又额外叫咗碟拼盘，详情如下：先系嘢饮，青柠梳打同埋杏霜。我饮青柠梳打嘅，每啖个尾都有啲啤酒味嘅感觉，要新鲜青柠先带到出黎，正。马拉鸡拼盘，有鸡翼又有鸡串。鸡翼好入味，好够热，个皮唔会太干身，正。鸡肉串面有酱，调到劲夹啲鸡肉，值得一试。朋友叫咗第一张相嘅喇沙汤底嘅海鲜面，劲足料！佢即话无入错黎。我就试咗第二张相嘅福建卤面（虾肉肉片面𡙡）。纯綷想试啲少见嘅嘢，真系似𡙡，一样系劲足料，面𡙡食哂都仲有菜净，抵食！ 一人餐有小食，朋友叫炸鱼皮，望落份量唔多，但坚脆。放落汤黎食又系另一番风味。放汤时嘅滋滋声都几治愈。最癫嘅系食到最后一块都系咁，坚料！我叫咗虾酱通菜，正常水准。呢间用虾字开头，佢仲有虾汤底，可惜佢系辣。幸好面𡙡等都系惊艳嘅，再次证明，正嘅餐厅仲会有几手！