橋底辣蟹 (駱克道) (已結業)

桥底辣蟹都几巴闭，系近距离都敢开几家分店，如果唔系D嘢够梗就系老细痴咗线喇，不过摆明人地唔系傻嘅喇。首先觉得濑尿虾正，二百几一只，不过够晒大只够晒新鲜够入味，正吖！直接叫咗两只，四个人食都仲意犹未尽吖，不过仲点咗其他嘢再叫就食唔落喇！桥底辣蟹都唔错，作为招牌菜，蟹虽然系中等大嘅不过都几有分量，我系好钟意蒜头嘅，呢道菜啱啱系我杯茶吖，成只蟹都比D蒜头埋住咗，蒜头嘅香同埋蟹嘅鲜嫩真系好搭配！蟹脚都算多肉，好够味！配啤酒爽！仲有花蛤都几好，肉唔算多，不过够有味，吮吮壳都几好味。蒸扇贝唔错，扇贝好大好新鲜，海鲜最紧要新鲜喇，只要材料新鲜随便煮下都好食，何况呢度大厨厨艺不错，扇贝好嫩好有料，唔错！不过觉得价钱都几贵吓。