真味鮮廚

营业中

休息中

就嚟过年，今年同阿爸阿妈一家人拣咗喺真味鲜厨度食团年饭。我哋一家人叫咗一个套餐，有乳猪、刺身拼盘、龙虾、花胶煲螺头汤、同埋蟹。𠮶餐最吸引我嘅就系只蟹，蟹脚好长，原只蒸完上枱热辣辣，我都等唔切即刻抢咗黎食。一剪开成条长蟹柳走左出黎，啲肉好鲜甜，钟意食蟹嘅我都觉得不妨一试；另外最令我惊喜嘅系蒜蓉粉丝蒸波士顿龙虾，我都可以话系蒜蓉控，逢系蒜蓉嘅嘢我都钟意食，呢个蒜蓉龙虾同蒜蓉蒸开边虾有得挥，啲虾肉好好味，同样都系好鲜甜。整体嚟讲佢啲海鲜都唔错，成个套餐二千蚊有找，12个人都算系咁啦。