1988 (已結業)

餐厅系工厦入面，位置有少少难揾。出左地铁站要行一段路，入左工厦又要经停车场行一段路入去。冬荫功好大碗，有好多菇，仲有两只大虾，唔系好辣，味道几好。泰式虾饼好大旧。外面脆，入面既虾肉爽口弹牙，赞！呢个虾酱炒饭既卖相同系泰国食既差不多，够地道。炒饭好惹味，可以配埋旁边既蛋丝、泰式腊肠、肉松、腌左嘅肉同鱼干一齐食。仲有青木瓜丝同芒果丝，酸酸地，可中和浓味既炒饭。泰式烤鱼系去左鱼骨，入面放左南疆、香茅、柠檬叶去烤，咁鱼肉就吸收晒佢地既香味。鱼肉好滑，点少少泰式酱汁就更好味。二个人叫左4样野，4样味道都好，所以差唔多清晒。可改善既系唔好一次过上咁多味，食唔切，食物摊冻左就唔好啦。另外就系餐厅入面好嘈，好难倾偈。