功夫點心

营业中

休息中

咁啱行开深水埗电脑中心， 就喺附近随便揾地方食嘢。 当时大概下昼五点， 我哋两个人行到入店舖， 虽然冇乜人理会我哋， 但都理解嘅， 事关见到啲员工坐低食紧饭。 坐低之后， 店员攞咗一壶茶同一壶水畀我哋， 其中一个茶壶上面系有啲食物残渍，唉…… 我心谂: 算啦， 又唔系话去啲极高级嘅食肆， 比一百几十蚊， 唔能够太高要求。 细看台面上嘅 垫枱纸， 原来先发现呢间点心店系有好多间分店， 所以虽然我对店舖环境及服务员质素唔会有太大期望， 反而对食物质素觉得会有啲保证。 第一碟𩠌上嚟嘅点心系腐皮卷， 虽然有啲油， 但味道总算中规中矩。 第二碟轮到虾饺， 虾饺皮望落几薄， 胀卜卜望落去好多虾， 我咬咗一啖， 奇怪见到有少少黑色嘢， 用筷子撩开…… 入面竟然有只曱甴， 我即时头晕兼反胃！ 实在太过份！ 唯有即时叫埋单， 店员见状同我讲咗几句对唔住， 跟住叫咗经理过嚟， 经理过嚟讲咗两句对唔住就行开咗。 疫情底下， 好多有质素嘅食店都挨唔住要结业， 一间连锁式经营嘅食店，竟然咁唔注重食物嘅卫生， 实在太过份