竹麓拉麵

营业中

休息中

南澳原来又开左新餐厅，小朋友好钟意食拉面，拉住我话要试，我见到鸡汤拉面几十蚊，价钱合理，不过最优惠系可以加$58食到半只烧鸡，呢个价钱都几抵，所以一于试吓。鸡汤拉面汤底唔会好油腻，但系味道浓郁，最钟意佢嘅鸡肉好淋，拉面软硬度啱啱好，仲有两大块紫菜，小朋友食得好开心。我就食虾汤拉面，个汤底超级浓郁，仲有几只虾好弹牙，半熟嘅流心蛋，最精彩系有大大块炸鱼皮，脆卜卜索晒啲汤汁，真系好好味。加$58有半只鸡原来都几大只，加少少柠檬汁已经非常惹味，鸡皮炸到脆卜卜，但鸡肉都可以咁嫩滑，真系令我好惊喜，呢半只鸡真系非常抵食，另外小朋友钟意食饺子，都系新鲜即刻整，肉味香浓非常香口，唔止小朋友觉得好食，连我都食到舔舔脷。