喜盈樓 (已結業)

价钱吸引，又见食评中相片食物应有尽有，所以一试。6时到达，量体温后入座。了解一下后，点了鸳鸯锅，皮蛋芫茜及豆腐清汤。好欣赏店舖提供任选鸳鸯汤底，又唔需要加钱。点菜纸款式唔算多，只系基本嘢。落了单后就出去攞酱料及熟食。出面D熟食唔讲得少，可能始终系酒楼，所以牛肉，蒸糕等点心冇难度、但对于我而言确系惊喜。本人encore咗两次马拉糕及奶黄包，重有姜汁枣王糕，而出色嘅有春卷，一来刚炸起，脆卜卜，春卷内的虾又大又爽，冇得弹。至于烚吓烚吓食物中，最出色系菜肉饺，好大粒，好有咬口。大云吞中的虾亦好大粒同爽口。虾类食物认真唔差。食到中途，自助桌又提供烧鸭及鸡。甜品有红豆沙，盒装豆腐花同雪糕雪条！啱啱食完，又心思思想去！