Accro Coffee

营业中

休息中

旧舖去过无食过，因为太多人，今次早少少去到排队等开门，不过当然仲有人早过我，总算第一转入倒，如果唔系又要等下一次，因为lunch 后嘅行程已plan好，唔会等。入到去系好有格调嘅装修，暗暗地，有bar 位，有几张四人台，无大嘅落地玻璃，只有窄窄嘅小玻璃窗可望到些微出面嘅环境，感觉好幽静，凉快同神秘。三个人，点咗2个窝夫同一个香草包，窝夫先到，系原味配生果，窝夫有4件，心型嘅，份量唔算细，望落去有啲㶶㶶地，啱晒我心水，一切落去够脆，未入囗已有信心会几好食，果然又香又脆，好好味，旁边生果有奇异果，士多啤梨，蓝莓同火龙果，overall都麻麻，唔太甜。另一个系伯爵cream 朱古力雪糕窝夫，cream好多好多，窝夫同样有水准。我杯咖啡到了，系我最爱嘅mocha , 嚟到见倒个拉花好特别好可爱，除咗有几块叶仲有只蜗牛喺上面，好得意，而重要嘅系除咗外在美都有内在美，系好饮嘅。跟餐仲可以平5蚊。香草包可拣鸡，猪or 蕃茄，我地拣咗蕃茄，呢个唔算有惊喜，不过芝士都好香。