Cobo House (已結業)

以前嚟过一次呢间餐厅，环境舒适充满艺术感，好啱庆祝特别日子。今次就同寿星女嚟咗食饭庆生。呢杯cocktail 卖相吸引，味道以红桑子、红石榴醋为主导，酸酸甜甜，酒味唔算太浓，几易入口。沙律摆盘非常精致，沙律菜新鲜爽脆，加入甜椒、番茄等配料，配搭清爽。强烈推荐加韩牛！韩牛烤得刚刚好，肉质细嫩富肉汁，牛味香浓。韩式炸饭卷用意大利米包住牛腩，外脆内软，加埋底下嘅酱汁几惹味，旁边仲有腌萝卜可以解腻。主菜方面必试海胆意粉意粉面头系忌廉泡沫，海胆鲜甜软滑，扁意粉口感弹牙，配埋微辣嘅韩式酱汁同番茄酱好夹！终于试到招牌爆谷山焦糖爆谷入面系粟米雪糕🌽，店员会喺我地面前撒上粉红岩盐。爆谷上面淋左粟米酱，咸咸甜甜唔会太腻，大部份爆谷都保持脆身。甜品份量颇大，我觉得四个人share都够。