茶跡 (已搬遷) 新店位置

香港嘅天气真系周围都好闷热，成日都会觉得好口渴，想饮番杯冻饮，位于尖沙咀金巴利道嘅呢间专卖茶饮嘅小店，距离尖沙咀地铁站大概8分钟步程，就喺韩国街入边，除咗美中不足外面有街道维修有少少嘈，其实开放式嘅门口位可以更亲近街道同行人，错落重有种怀旧嘅感觉，店舖入面不停播放港式怀旧嘅经典流行金曲，非常贴地🤭以黄色阶砖白色阶砖衬托出鲜明嘅外墙，在粉蓝色配白色嘅街砖铺地下，有种夏日嘅缤纷感觉。店舖主要有两张圆枱同铁凳，就算唔系买外卖都可以坐喺店舖度叹番杯特饮，可以帮繁忙嘅都是人安心咁静一静，欣赏埋街道行人行过嘅景色，感受香港嘅传统情怀。店舖仲有两只镇店之宝大公仔，周围仲贴咗啲海报，增加布置嘅感觉。店员强烈同极力嘅推介下，本来都想试吓其他饮品，最后都跟返店员点咗招牌手打香水柠檬茶同百香果益力多。香水柠檬茶果然非常冰凉，一般嘅甜度对唔太饮甜嘢嘅，我嚟讲都觉得唔太甜。百香果益力多蚂蚁人必点，就算走糖都非常足料，浓烈嘅甜益力多味道配搭百香果。