安利大排檔 (已結業)

农历大年初一，周围啲铺头都无几多间开，但系每一年落东大街总会揾到食，今年嘅安利唔算好多人等，大约只需要等十分八分钟，过年加价心里面早有准备，每一个 item 都加三蚊，无论你系嗌百几蚊一碗嘅净腩，又或者系十蚊鸡嘅多士，一律都系加三蚊。嗌咗个鲜油占多同埋炸酱面，安利以一间粉面店黎讲，个鲜油占多算做得好好，我觉得好过好多茶餐厅添，而个炸酱面颜色虽然萤光咗少少，但系味道总算唔错，又唔会话太过油。