莆田 (已結業)

成日话马鞍山系美食沙漠，冇野好食，今次就入去行一转睇下有几恶劣。 今日去咗新港城行下，行过就比莆田d宣传吸引我，原来蛏子有咁多种食法， 我净系食过豉椒蛏子。行到入去地方好宽敞， 侍应拣咗个二人枱畀我哋坐， 可能我哋晚市刚开， 室温比较热， 侍应见到我 我哋坐低后，立即将温度调返好， 让我哋舒舒服服食晚餐。宣传话$198 2份蛏子， 热辣辣嘅我哋就拣咗冰爽酒糟蛏子同埋铁板盐焗蛏子。今次真系有冰火感觉，先上左冰爽酒糟蛏子，菜如其名，蛏子系冻，肉胀卜卜，加上酒香，味道好似食醉鸡咁，但配上肥美蛏子又出奇地夹。跟住就到铁板盐焗蛏子， 佢哋上菜都好精美， 未开始食都觉得好享受。 一层厚厚嘅盐加上新鲜蛏子放喺铁板上面焗， 热辣辣，卖相十足。食落去好鲜甜， 感觉食出海水味， 值得推介。食完蛏子都唔饱， 我哋叫咗卖相好靓嘅，百秒黄花鱼， 上菜巳经流口水， 食落去就觉得肉质好滑， 少食鱼嘅朋友就略嫌多骨。最后叫左顶肚嘅兴化米粉，佢比一般米粉幼同轻身， 食落去好滑同松化，加上配左虾同蚬，都几配合主题。食饱后继续行新港城，雨天去商埸揾食，可以去试下呢度嘅蛏子。