莆田 (美麗華廣場2期) (已結業)

今日去开尖沙咀行街买衫，行下行下见到呢间米芝莲一星餐厅，见到7点倒都坐左九成人，啱啱两个人又有位，就不如就去试下喇。坐低就有侍应问想饮咩茶，我地拣左菊花茶，好新鲜好健康嘅茶，都唔会好甜。坐一坐就前菜冰浸苦瓜就上左，苦瓜配埋蜜糖点就好香，凸出左苦瓜嘅味道。之后就有莆田荔枝肉，个样好似咕噜肉，但有用荔枝炒埋落去，原来个效果都好香同埋荔枝肉都好甜。莆田出名嘅系唔同煮法嘅蛏子，今次我地分别拣左蒜蓉蒸蛏子同铁板盐焗蛏子。个份量都好大，随时一碟有成十几条架。蒜蓉蒸嘅果个好入味，配埋蒜蓉好正。而铁板盐焗就更加香，上枱果时就有铁板嘅热力，呢种食法真系第一个，不过又估唔到几啱食。另外我地仲叫左莆田扁肉汤同兴化炒米粉。两个都系莆田都出名嘅菜式嚟，我觉得都无令人失望，个汤有啲小云吞又几香口，而个炒米粉唔系平时系出面见到ge米粉，系啲仲幼啲仲细条啲嘅炒ge，食落个感觉又几唔同。有机会都推荐大家嚟试下！