莆田 (美麗華廣場2期) (已結業)

上年食过莆田蛏子，肥美鲜甜多肉，一试难忘。早2日起Facebook见到蛏子再度归来，已攘住女友快D去食，今日收工同女友去尖沙咀比旅行团尾数，整完之后，正烦恼去边度食dinner, 原来细心的女友早已起莆田订左枱，真掋锡～！7:00去到，因订左枱，所以不用等位，看看餐牌，女友话行到好热，想食D凉凉地的前菜先，就叫左个冰镇苦瓜，女友又好钟意饮呢度𠮶个莆田扁肉汤，所以每人叫咗一碗，再叫左一个荔枝肉，今次一心来食蛏子，当然不可不叫啦，现$198可以试两款煮法，上年食过铁板盐焗圣子好好食，当然要encore啦，女友钟意饮汤，另一款就叫左红菇鲜蛏子汤。冰填苦瓜好快到了，摆碟好靓，好像一朶花，苦瓜片得好薄，点蜜糖来吃，清爽甘甜，非常消暑！之后扁肉汤亦送到，汤底鲜甜，扁肉弹牙，接著荔枝肉亦送到，荔枝肉皮脆肉嫩，松化，酱汁酸甜开胃。蛏子到～！铁板圣子鲜甜，原汁原味，蛏子肥美，盐焗更提升了鲜甜度；红菇鲜蛏汤，第一次食红菇，好香菇味，蛏子吸收菇汤，更加鲜甜！另外一提这里服务好好，换碟收碟好快而且侍应笑容满面！赞👍🏻越食越开胃，所以再加多左一个兴化炒米粉。米粉炒得干爽，配上蚬肉、腩肉、紫菜、鲜虾，足料又好味！