蟹慶 (已結業)

庆祝我揾到新工，老公话去食返餐好既，老公知我钟意食蟹，所以带左我黎呢间食蟹既专门店，餐厅就系sogo隔离幢大厦地库，非常易揾，一去到门口已经见到劲大只蟹既装饰，入到去每张台都有只蟹公仔陪住你坐，叫左个蟹庆会席二人前。前菜(3点)前菜有蟹肉沙律、萤光鱿鱼同埋渍物，第一次食萤光鱿鱼，咬落滑嘟嘟咁，食落都好香鱿鱼味。精选厨师发办刺身刺身有带子、油甘鱼、深海池鱼同埋甜虾，刺身好新鲜，带子好鲜甜。蟹肉蒸蛋蒸蛋超滑，入口即溶，配埋鲜甜既蟹肉，好好味。蒸毛蟹 (半只)毛蟹睇落细细只，估唔到食落咁多肉，餐厅仲好细心地已剪开哂d壳，方便我地食用，肉质鲜甜，蟹膏味亦超浓浜烧松叶蟹脚/浜烧雪场蟹脚烧话既蟹脚好香，雪埸蟹脚较厚身多肉，而松叶蟹脚就较鲜甜。甲罗味噌烧/极品海鲜天妇罗盛合甲罗味噌烧既蟹膏非常浓郁，配埋饼食就冇咁腻。而海鲜天妇罗盛合有蟹、虾、南瓜同埋蕃薯，天妇罗炸到香脆，炸粉唔会好厚。吸物原来吸物即系汤，系蚬肉面豉汤，食完一轮蟹之后，饮返个面豉汤清一清。松叶蟹釜饭呢个松叶蟹釜饭仲落左我最爱既黑松露，既食到蟹肉既鲜味又食到黑松露既香味。甜品甜品有绿茶moouse，绿茶味浓郁，唔会好甜。