蟹仙海鮮蒸氣鍋 (仁愛街) (已結業)

去开新蒲岗见客，顺便约埋同区工作嘅6月寿星食生日饭，大家都好钟意食海鲜，佢话附近有间几正嘅蒸海鲜，原来系响其他分店食过嘅蟹仙。最钟意食佢哋嘅大黄奄~今次同寿星食饭，就拣咗$999 / 2人餐据说海鲜系会拣最好的，比平常食开嘅套餐多咗肉类同丸类，不过我净系食海鲜，其他嘢就交俾寿星喇 ~哈哈。店员帮我哋将海鲜放落锅，够钟就来夹俾我哋，好贴心👍虎虾爽口又鲜甜，好食龙虾肉质非常爽甜，啖啖肉，好正呀！蟹有顶角膏蟹或大黄奄， 我哋拣大黄奄。蟹膏爆到泻，软滑甘香，肉质结实鲜美，回味无穷。太平洋馒头蟹有啲似面包蟹，清甜多膏，好鲜味。南非鲍鱼好大只，鲜甜弹牙，正呀！月亮贝肥美清甜龙趸片鱼味浓郁，鱼皮充满骨胶原。蚝只肥美多汁， 蚝味十足。新鲜嘅蔬菜， 生菜爽脆，粟米清甜， 娃娃菜腍甜。响开始蒸海鲜前，店员先将材料倒入蒸气石锅内煮粥。食完蒸海鲜，汇聚各种海鲜精华嘅粥就出炉， 海鲜粥味道鲜美， 好饱啊。食完粥仲有椰汁燕窝， 够晒滋润养颜呀。好味又回味嘅一餐。