Master Kama (已結業)

之前黎食过龙虾包觉得好正，今次特登带姑姐黎试下，黎到发觉推出左蟹宴套餐，菜色丰富，价钱都合理，所以决定转食蟹，又有籍口下次再黎食龙虾啦🙈叫左holy crab 🦀 one(西式）前菜六小钵以木盒分隔，非常精致好有日式怀石料理既感觉。海藻沙律-用左2种唔同既海藻，食落唔同口感，但2款咬落都好爽口，加上醋的微酸，好开胃。香芒虎虾- 配上芒果酸甜，几清新既感觉，虾都好爽弹。酸菜罗勒海蚬，淡淡既罗勒香味配海蚬十分匹配，更带出蚬既鲜甜。蟹肉玉子烧香甜，厚度合宜。滑嫩嫩豆腐配胡麻酱，简单而好味。芝士蟹肉酿蟹盖一望个卖相已经知正🙈，香浓既芝士香味，外层烧得金黄，丰盛既蟹肉与芝士溶为一体，配上脆脆白饭鱼干、三文鱼子、火箭菜食，令味道更清新，连唔好芝士既姑姐都大赞。蟹肉芬奴意式烤面包丰富既馅料泻，丝丝蟹肉混入了香草，浓郁可口，上面加上爽脆既洋葱，多汁既车厘茄，同时加入左小量柠檬汁和橄榄油，多士松软，啖啖蟹肉令人回味!海鲜膏蟹拼盘主菜终于上场，方便客人进食，店员送来手套和湿纸巾，非常细心海鲜盘入面载著法国膏蟹、虾、青口、带子、蚬、鱿鱼，另外仲带粟米、红萝卜、椰菜、薯仔垫底，份量十足。蟹盖上的蟹膏劲丰盛，结