金鶴拉麵 (九龍城道) (已結業)

我哋两个会定期去食下拉面，喜欢拉面嘅质感同埋汤底嘅配合。今次我哋嚟到土瓜湾呢边，食咗一个蟹汤拉面（餐牌相片太吸引），同埋一个鸡汤拉面。今次我哋坐吧枱位置，可以望住厨师煮拉面，非常期待！白汤拉面：汤味浓郁，整个卖相都好吸引。望见白雪雪嘅汤感觉幼滑，鸡嘅鲜味出晒嚟半熟蛋非常吸引！带有酱汁嘅香味，加埋汤一齐入口好夹。炸牛蒡好香口，卜卜脆，有少少似炸新鲜薄片薯片。虽然系炸，但系呢个食材令我感觉健康。日式叉烧好林，味浓鸡肉片都好好味拉面都非常有水准，配合埋木耳丝食口感更丰富。蟹汤拉面嘅配料都同白汤拉面嘅相似，两种汤底各有吸引之处。蟹汤浓郁，如果系钟意重口味嘅一定要试吓。相信真系足料落去煲！最后我哋食埋绿茶软饼作为甜品，完成我哋今晚丰富嘅晚餐。