Home Sweet Home (已結業)

女仔系唔应该食咁多海鲜同生冷野，但我地咁为食，间唔中都想放肆下（俾个发光嘅餐牌吸引左🤤）海鲜4人份量，都系进口货，生蚝、青口、红虾、海蚬全部都好新鲜，生蚝超级鲜甜，法国面包蟹蟹盖更加铺满蟹膏，张相只系1/4嘅蟹膏 (3/4系个肚度😛)6-course set dinner - 3道前菜、沙冰、主菜、饮品，好丰富！一口虾多士里面夹住牛油果沙律，感觉好清新！沙冰好特别，有菠萝同蜜桃，但饮落就好似菠萝芒果沙冰，沙冰够细滑，好好饮！呢个虎虾卡邦尼亦相当特别，充满咗芝士味，再配合左新鲜嘅虎虾，口感同味道都得到升华🤤咸猪手皮脆，涂上一层蜜糖芥末酱，又甜又咸味道几夹🐷唔系度度都食到咁大只又脆嘅猪手，再配上薯条。食完仲想再叫多份呀！安格斯牛肉眼扒亦相当之出色，肉质非常之林，充满牛肉味，size都好大适合同人share食手制薄脆薄饼，激多拉丝芝士🧀，配黑松露野菌，一人食两件都唔觉腻🍕叫左两壶养生花茶，够甘甜，不错🌼🌸🌺玫瑰荔枝蜜略嫌有少少甜，男仔未必会钟意，但钟意甜嘅女仔绝对唔可以错过。