蠔站 (黃金廣場) (已結業)

以往午餐都系求其食啲嘢就算，今日约咗朋友去铜锣湾倾嘢，都未知食乜，出咗地铁站见到有栋商业大厦九楼系食蚝嘅，重系10元一只，即时上去试吓，餐厅名叫oyster, station，搭电梯上去，开门己经见到个招牌，侍应先叫我地量体温及做安心出行。坐低睇咗餐牌，因为蚝抵食，朋友先柯打咗一打，再叫石烧牛舌，我叫咗石烧牛肉，餐厅因为午餐有白饭，汤同沙律可以任食，所以都觉得抵食，12只蚝摆盘好靓，有 柠檬及茄汁可以配搭，蚝味十足又肥美，12只蚝好快比我地食哂，跟住朋友嘅石烧牛舌同我嘅石烧牛肉都同一时间上台，未食过牛肉下面有块铁嘅，原来系可以你自己去控制食几多成熟嘅牛肉，味道一流，朋友嘅牛舌都好大件，佢分享咗一啲俾我，味道都唔错，抵食夹大件，下次一定要再来。