影片
更多
2015-03-26
2180 浏览
之前曾到访过Su Casa Chilean Oyster Bar，不单生蚝新鲜，多款意大利菜亦煮得出色，所以，今回有朋友到其姊妹店Casa Pennington再搞局，毫不犹豫举手报到 ，再嚟叹一叹生蚝鲜味！跟Su Casa不同，Casa Pennington嘅布局好明显要走更高档次嘅路线。餐厅位处隆堡柏宁顿酒店内，晌酒店内开档，本身个层次已一定有所升格，虽然环境装修无咩过份奢华，但透过柔和嘅灯光，加上枱櫈松动嘅安排，已经变得喺一个富情调并让人感到无拘束嘅用餐环境。当然，整个场以一入门口嘅巨型海鲜吧最为吸睛，因为各款生蚝、翡翠螺、车厘石蚬、巨型牡丹虾、海蛰虾、法国面包蟹……等等海鲜都放得满满，真喺睇到都已经流晒口水 。顺带一提，海鲜吧嘅生蚝嚟自世界各地，有美国、南非、爱尔兰、苏格兰、西班牙、纽西兰、澳洲、法国……等，视乎来货供应，每只卖$55-$72，此外，3种级别嘅海鲜拼盘配餐酒（$528-$1,488）可供选择，绝对满足到「蚝」情壮志嘅食客 。 自选生蚝 一大盆冰镇即开新鲜生蚝，只只肥大肉厚，当中由柠檬角顺时针数起，由淡至浓，分别喺西班牙嘅Arousa、法国嘅Merma
跟Su Casa不同，Casa Pennington嘅布局好明显要走更高档次嘅路线。餐厅位处隆堡柏宁顿酒店内，晌酒店内开档，本身个层次已一定有所升格，虽然环境装修无咩过份奢华，但透过柔和嘅灯光，加上枱櫈松动嘅安排，已经变得喺一个富情调并让人感到无拘束嘅用餐环境。
当然，整个场以一入门口嘅巨型海鲜吧最为吸睛，因为各款生蚝、翡翠螺、车厘石蚬、巨型牡丹虾、海蛰虾、法国面包蟹……等等海鲜都放得满满，真喺睇到都已经流晒口水 。顺带一提，海鲜吧嘅生蚝嚟自世界各地，有美国、南非、爱尔兰、苏格兰、西班牙、纽西兰、澳洲、法国……等，视乎来货供应，每只卖$55-$72，此外，3种级别嘅海鲜拼盘配餐酒（$528-$1,488）可供选择，绝对满足到「蚝」情壮志嘅食客 。
自选生蚝 一大盆冰镇即开新鲜生蚝，只只肥大肉厚，当中由柠檬角顺时针数起，由淡至浓，分别喺西班牙嘅Arousa、法国嘅Mermaid及Lambert（上层）共3款，每款6只，几款都喺店家是日推介嘅心水靓蚝，开蚝干净俐落，配以柠檬角、茄酱作为佐料。
Arousa (Spain) $623款生蚝中，以Arousa感觉较为轻盈易入口，因为蚝味较清淡，海水味轻，嫩滑而带点黏。
Mermaid (France) $68
相对Arousa，依款嘅蚝味就属于清甜，口感同样带黏，而海水味相对浓，却又唔会太咸。
Lambert (France) $72
蚝味最浓嘅Lambert，海水味突出，而且口感爽脆，余韵悠长，食嘅人对此蚝都比较两极。
由前到后：Arousa、Mermaid、Lambert
43 浏览
1 赞好
0 留言
Sautéed Clam with Basil White Wine Sauce $ 178
上次晌Su Casa已经食过一次，今次再食水准依然。蚬只肥大肉厚，鲜甜有咬口，渗出淡淡白酒及罗勒幽香，隐约中仲有点点蒜香。
Sautéed Clam with Basil White Wine Sauce
$178
47 浏览
1 赞好
0 留言
Deep Fried Lamb Spare Rib $158 依道酥炸羊排极尽惹味，一条骨一串，最好揾手拎住食，肉质非常酥脆，羊膻味唔重，再加上可蘸点芥末蛋黄酱，甚有特色，啤一啤就一流啦 。
Deep Fried Lamb Spare Rib
$158
51 浏览
1 赞好
0 留言
送上面包篮，就知餐汤快上。真材实料、绝不欺场大致可用嚟形容个蚝汤，个汤本身唔止蚝味浓，质感亦都浓厚滑溜，啖啖生蚝鲜味，而且汤底仲放有一大只生蚝，又无上次嘅偏咸毛病，真喺好饮 。
Oyster Soup
$88
30 浏览
1 赞好
0 留言
个黑松露汤一上枱，菌香四溢，皆因除咗以多种菇菌打成，仲加入少少黑松露油。而个汤嘅质感颇顺滑，内里却仍保留微微菌粒，真喺每一啖都喺野菌精话 。
Black Truffle Mushroom Soup
$88
47 浏览
1 赞好
0 留言
Hokkaido Scallop Angel Hair with Home-made Pesto $ 198
香煎得金黄嘅北海道带子已经非常有睇头，配以自家制罗勒酱煮天使面，色泽养眼好睇。天使面面质唔错，沾满浓浓罗勒香味，带子鲜甜爽口，啖啖肉；面内仲有啲黑鱼籽及杂菌，非常美味。
Hokkaido Scallop Angel Hair with Home-made Pesto
$198
27 浏览
1 赞好
0 留言
意大利饭及野菌向来都喺小弟心水嘢，两者走埋一齐，点会唔讨我欢心吖。虽然整个饭酱汁稍多，但无损其味道，个黑松露忌廉汁充满菌香，真喺香气扑鼻，饭粒带烟韧而有咬口，刨埋几片巴马臣芝士，真想再嚟多碟呀 。
Black Truffle & Porcini Risotto with Cream Sauce
$198
40 浏览
1 赞好
0 留言
虽然喺法国春鸡，但睇落唔细㖞，比预期中大只，但烤烘后肉质不失嫩滑。最特别喺鸡内酿有栗子粒、免治猪肉及鸭肝酱……等等，所以，味道极为惹味，有朋友会觉得佢浓咗啲及腻咗啲，所以，减番少少鸭肝酱或者会平均啲。此外，伴菜亦咪错过，尤其当中嘅烤蒜头及紫薯蓉啊 ！
Roasted French Spring Chicken with Chestnut Filing
$348
74 浏览
2 赞好
0 留言
就晌最后嘅甜品上场之前，嚟一杯鲜奶咖啡，确喺有助一阵食甜品嘅心情，而且，亦可以稍稍缓冲一下味蕾。杯咖啡无乜点拉花，但饮落香醇芳香！
Latte
$36
29 浏览
0 赞好
0 留言
一件平平无奇嘅意大利芝士饼，加点龙珠果、士多啤梨、杏仁片装饰吓，感觉可以好唔同。马卡风芝士部份做得好软滑，面层铺满唂咕粉，充满可可香，不过，个人而言，就肯定略嫌手指饼浸得唔够咖啡酒，所以咖啡香唔突出 。
Tiramisu
$88
44 浏览
1 赞好
0 留言
Pear Tarte Tatin (For Two) $138 依个焗梨挞绝对值得推介，虽然卖到百几蚊一客，但可以够3-4人享用。梨挞以酥皮为挞底，放上啤梨，烘焗时再做出焦糖效果，认真焦香诱人 。梨挞甜度唔会太过，酥皮焦脆而又带点烟韧，梨肉非常清甜，只食1/4件果真叫人意犹未尽 。
Pear Tarte Tatin
$138
41 浏览
0 赞好
0 留言
跟上次Su Casa Chilean Oyster Bar用餐，同样尽庆，因为品尝到多款美食，而服务亦好到位。定价方面，似乎依边较为进取啲，始终铺租又喺每间食店所面对嘅问题。
张贴
