尚品小廚

营业中

休息中

今日和同事出街食饭，同事推介此间餐厅的汤饭好味, 于是佢带路，未去到铺头，已经见一堆堆人在门外等。在门外望下餐牌，今日有汤饭呢个餐！(同事话不是日日都有汤饭架，同埋亦不是同一款汤饭。) 大约等左五分钟左右，有职员通知有位坐，仲要系卡位。哈哈！入到去，虽然地方比较逼，几乎连人行的通道也没有，但大家会互相迁就。最后我点了 "蚝仔碎肉汤饭" 。原本午餐系会有一个例汤和一杯热饮，但因为叫左汤饭，故没有例汤送。蚝仔碎肉汤饭好快送上，汤饭都几大碗，汤饭内有蚝仔，菇菌，肉碎，芫茜和大菜头作调味。细细粒的蚝仔不是很多，但胜在冇腥味，而且完整无缺一粒粒，咬落都爽口。饭加上肉碎和茹菌连汤一啖放落口，有种回到家食饭感觉。汤㡳很浓味有少少偏咸，但可接受。虽然汤底有少少偏咸，但不知不觉间已整碗汤饭喝完又食完，非常饱。餐饮点了杯热柠茶，茶味非常浓味，加上数片新鲜柠檬，能为我消消滞。