發記飯店

营业中

休息中

我哋三个人去 ， 叫咗韭菜猪红 、 一份卤水鹅、 一锅蚝仔粥 、 鹅肠红肠 、 煎蚝饼等 ， 啲嘢食都算嚟得几快， 我觉得 佢嘅韭菜猪红都几好， 卤水鹅OK但份量少， 但系最失望系叫咗个蚝仔粥， 啲蚝仔唔新鲜好大浸腥味， 煎蚝饼里面嘅蚝仔都系一样， 佢嘅味道一食落去就知道唔新鲜... 蛋多个啲蚝好多... 第一次嚟，都系朋友介绍， 坐嘅环境都唔差， 有两个细厕所都几干净 ，但系有啲失望， 因为本身系潮州人， 特别对潮州食物有要求， 叫咗五个𩠌同3支啤酒， 价钱大约五百几蚊 觉得唔系咁抵食， 我谂应该唔会再到。