一泡而紅 (已結業)

好多人黎到葵芳首选会拣三楼既小食街扫街，但我就偏向喜欢有得坐慢慢食，费时人太多左闪右避，一下唔留意就被人撞到跌唒D野食～今次拣咗呢间”一泡而红泡饭专家”，咁大胆话自己系一泡而红仲要系专家，当然要试一试佢虚实。佢系一间相连舖，旁边个间都系佢但唔同名，座位方面都几迫下而且叫野食就要去门口有个COUNTER落单俾钱。MENU的确有好多唔同种类的汤可以拣泡饭或者米线但黎到无理由唔拣泡饭，所以叫咗一客蚝仔肉碎泡饭同椰菜饺子。＄45蚝仔肉碎泡饭份量有一个大汤碗，蚝仔份量都唔少，有D惊喜！除咗有蚝仔、肉碎之余仲有2粒细冬菇同蛙蛙菜，最钟意系加咗莞茜，提升咗个香味。个汤唔会过咸，睇到佢墙上面介绍系用上鱼汤，唔怪得咁入味。＄38 椰菜饺子一心想叫韭菜饺点知卖唒唯有食椰菜饺啦，都等咗大约15分钟。饺子皮唔系十分厚但若果煎得再香口D会更好。馅料方面，小妹觉得太淡，无咩味，所以加咗辣椒酱抖黎食。个人觉得如果个午餐可以包埋饮品会更加吸引，不过值得一提既系，店舖虽然好忙但职员仍然好好态度同主动带位