蠔站 (黃金廣場) (已結業)

餐厅位于Sogo对面，方便易达，F出口行1分钟就到，我和朋友仲好彩地坐到窗边枱，可以望到熙来攘往嘅大街，仲刚好影到Sogo广告牌mirror广告🤣餐厅主要以暗色调为主，有自助沙律、餐汤及白饭提供。我和朋友分别叫了石烧纽西兰肉眼和石烧美国牛肩扒。当然亦唔少得要叫精选生蚝拼盘(6pcs)，加$120就有绝对超抵！精选生蚝拼盘(6pcs)🦪 由淡到浓咁食分别来自不同产地嘅生蚝，有苏格兰、爱尔兰和法国。每只都好新鲜，唔洗加甜辣酱，只是轻轻加少少柠檬汁已经可以带出到生蚝本身嘅鲜味，海水味都好足。我比较钟意法国品种，鲜甜得嚟有回甘嘅感觉！石烧纽西兰肉眼&石烧美国牛肩扒一嚟到已经见到烟雾弥漫，足已见到石板热力。如果唔想牛扒太熟嘅话可以先将牛肉整块先放到碟子上，切开再放上石板上烧一下再吃。两款扒牛味都好浓，再加上炸蒜片，完全系「牛魔王」嘅最爱！另外，我地仲有分别叫咗柚子梳打和荔枝乳酸梳打。