蠔站 (黃金廣場) (已結業)

之前听朋友讲呢间食蚝先$10只，今日出嚟铜锣湾，就去试吓佢。同朋友order咗6只指定法国Fine De Claire生蚝，非常快上枱，摆落口冰冻肥美，有啲咸咸海水味，先$10咋，绝对会为咗只蚝再嚟😂Set lunch都好抵食，最平嘅$68，仲要平日系免+1，同朋友叫咗海鲜扁意粉、石烧纽西兰牛柳、蓝芝士冻虾沙律。扁意粉既海鲜非常足料，亦非常大碟，就算系男士都非常够食，个酱汁系香草类青酱，只系$68，性价比极高👍🏻👍🏻石烧牛肉到一样非常大份，厚厚既牛柳放于热石上，自己控制几成熟，啖啖都好味😊，牛扒嘅配菜有翠玉瓜青瓜黄瓜同鸡髀菇，我同朋友都清哂，非常juicy👍🏻蓝芝士沙律，最后先到，其实已经食到好饱，所以都只系食晒啲虾🙈虾需要自己剥壳，有四只大大只，爽口弹牙，可以解返之前啲切牛扒意粉饱足感，正。