Season Oyster & Wine Bar (已結業)

嚟到呢间以蚝著称嘅餐厅，当然咩熟食都放埋一边先，享受哂生蚝再算！我同另一半都唔系一食就十几廿只蚝嘅小朋友，所以都系order咗一人3只唔同款，不过因为size食食都唔细，已经好够喉！我哋叫咗纳米比亚、美国黄宝石山蚝、太平洋珍宝石蚝，侍应都好帮手，教我哋一定要顺住落咁食，味浓嘅要最后食，而最先就要食纳米比亚先！海水味好轻，所以鲜甜味道好出，有清新感觉，好味！之后食黄宝石山蚝，咸味明显比纳米比亚重，个人喜好鲜甜啲，所以唔算好喜欢，不过肉厚都有满足感。至于重头戏太平洋珍宝石蚝，单系size已经不得了！足足手板咁长，不过同外形相比，佢嘅味道唔算系好浓，重点系好爽口好好咬，大只满足感系唔同啲！食完蚝当然就系熟食时间，我个人对大啡菇爱不惜手，今次都有叫个芝士黑松露焗大磨菇一尝，好浓菇味，推荐！而黑松露牛肝菌薄饼都好好味，唔会太多酱汁，所以即使黑松露味道霸道，都掩盖唔哂薄饼嘅味道，拿掐得几平衡！至于主菜慢煮牛柳比想像中好，好多肉汁，同埋用士多啤梨汁配衬系几得意嘅。不过当然啦，最好味都系蚝！