影片
更多
2017-01-10
1701 浏览
同事介绍Season Plus呢间餐厅嘅食物质素唔错，叫我有时间可以黎试一试。难得今日放假，当然要约埋朋友捧下场啦！先讲呢间餐厅嘅环境，餐厅约三分一嘅空间系酒库，摆放各式各样嘅红酒、白酒同摆设，其余位置系用餐区，灯光暗淡，加上柔和嘅音乐，绝对适合朋友或情侣倾计同食嘢。至于食物，首先，我同朋友拣咗做紧优惠嘅生蚝，＄99竟然有6只生蚝＋3只炸蚝，真系抵到烂！生蚝来自美国黄石蚝， size偏大只 ,口感creamy，滴两滴柠檬汁食，入口鲜甜又无腥味；炸蚝亦不错，金黄香脆， 同一时间食到生同熟嘅蚝，可以话系俾一份钱有两种享受，正！食完蚝，我哋胃口大开，所以之后仲点了4款食物：美国一口牛粒、日本手羽炸鸡翼、西班牙黑毛猪鞍扒及意式肉酱千层面。美国一口牛粒，牛柳粒煮得啱啱好熟，保持肉质幼嫩，入口软林林，一d都唔韧，食嘅时候点少少黑椒更能带出牛肉味。日本手羽炸鸡翼，鸡翼铺满白芝麻先再炸，令鸡翼更脆口，入口食到香浓嘅芝麻味，食多几只都唔厌。西班牙黑毛猪鞍扒，有沙律菜同薯皇嘅衬托下，更加突显两块厚切黑毛猪鞍嘅气势及吸引程度，猪鞍两边面煎至金黄色，带少许焦，但切开内里后，肉质却非常嫩滑，呈粉红色，看起来啱啱
先讲呢间餐厅嘅环境，餐厅约三分一嘅空间系酒库，摆放各式各样嘅红酒、白酒同摆设，其余位置系用餐区，灯光暗淡，加上柔和嘅音乐，绝对适合朋友或情侣倾计同食嘢。
至于食物，首先，我同朋友拣咗做紧优惠嘅生蚝，＄99竟然有6只生蚝＋3只炸蚝，真系抵到烂！生蚝来自美国黄石蚝， size偏大只 ,口感creamy，滴两滴柠檬汁食，入口鲜甜又无腥味；炸蚝亦不错，金黄香脆， 同一时间食到生同熟嘅蚝，可以话系俾一份钱有两种享受，正！
食完蚝，我哋胃口大开，所以之后仲点了4款食物：美国一口牛粒、日本手羽炸鸡翼、西班牙黑毛猪鞍扒及意式肉酱千层面。
美国一口牛粒，牛柳粒煮得啱啱好熟，保持肉质幼嫩，入口软林林，一d都唔韧，食嘅时候点少少黑椒更能带出牛肉味。
日本手羽炸鸡翼，鸡翼铺满白芝麻先再炸，令鸡翼更脆口，入口食到香浓嘅芝麻味，食多几只都唔厌。
西班牙黑毛猪鞍扒，有沙律菜同薯皇嘅衬托下，更加突显两块厚切黑毛猪鞍嘅气势及吸引程度，猪鞍两边面煎至金黄色，带少许焦，但切开内里后，肉质却非常嫩滑，呈粉红色，看起来啱啱好，可惜猪鞍只可配黑椒粒食，如果有少许酱汁就更好了。
意式肉酱千层面，面质较腍身，配合肉酱，口感都唔错，不过不实。
今晚食咗咁多佳肴，每人都系二百几蚊，都算抵食。最可惜今日我同朋友都有d感冒，所以唔敢叫酒饮，下次有机会再黎，必定会叫白酒配生蚝，再「蚝」一次！
张贴
