影片
更多
2018-05-01
5152 浏览
平时成日觉得兰桂坊冇乜嘢好食，今日经过兰桂坊已经变得面目全非，发现有兰桂坊车仔面，而且历史悠久嘅哈根大师都执咗，真系变得好快。呢度原来有间生蚝店都一直唔知！我哋去到一座大厦上面6楼，佢标志着＄10一只生蚝，听落去都觉得好抵！一入到去，气都未抖顺，店里面嘅职员就好热情咁招待我哋，系咁问我地想食乜嘢，同埋系咁推介今日有啲乜嘢好食，佢就好关注咁问我地，究竟想食啲乜嘢口感嘅蚝，就分别介绍咗好多唔同国家嘅号有啲海水味比较重，有啲比较脆身，有啲就每样平均。另外仲推介左今日嘅主打，就系价值＄188嘅龙虾汁海胆意大利饭，呢个特别主菜唔系真系成日周围有得食到。蚝好快就到左，首先嚟咗两只welcoming Oyster，都系价值＄10嘅爱尔兰蚝，之后仲叫咗半打＄60蚝，佢仲免费帮我地升级一只做法国蚝，试吓不同口味都唔错。发现法国蚝肉质比较实，而且蚝身比较厚，但爱尔兰蚝一啲都唔输蚀，虽然细细地，但系好合我胃口，女仔就咁食呢一款蚝再加少少白酒，相信已经够晒。佢个意大利饭又做得几出色，饭粒分明，有少少硬身，增加口感，配上丰富嘅龙虾汁同埋香喷喷嘅海胆简直系天衣无缝嘅绝配，虽然海胆唔系我想像中鲜甜，但滑滑的口感真的
平时成日觉得兰桂坊冇乜嘢好食，今日经过兰桂坊已经变得面目全非，发现有兰桂坊车仔面，而且历史悠久嘅哈根大师都执咗，真系变得好快。呢度原来有间生蚝店都一直唔知！我哋去到一座大厦上面6楼，佢标志着＄10一只生蚝，听落去都觉得好抵！
一入到去，气都未抖顺，店里面嘅职员就好热情咁招待我哋，系咁问我地想食乜嘢，同埋系咁推介今日有啲乜嘢好食，佢就好关注咁问我地，究竟想食啲乜嘢口感嘅蚝，就分别介绍咗好多唔同国家嘅号有啲海水味比较重，有啲比较脆身，有啲就每样平均。另外仲推介左今日嘅主打，就系价值＄188嘅龙虾汁海胆意大利饭，呢个特别主菜唔系真系成日周围有得食到。
蚝好快就到左，首先嚟咗两只welcoming Oyster，都系价值＄10嘅爱尔兰蚝，之后仲叫咗半打＄60蚝，佢仲免费帮我地升级一只做法国蚝，试吓不同口味都唔错。发现法国蚝肉质比较实，而且蚝身比较厚，但爱尔兰蚝一啲都唔输蚀，虽然细细地，但系好合我胃口，女仔就咁食呢一款蚝再加少少白酒，相信已经够晒。
佢个意大利饭又做得几出色，饭粒分明，有少少硬身，增加口感，配上丰富嘅龙虾汁同埋香喷喷嘅海胆简直系天衣无缝嘅绝配，虽然海胆唔系我想像中鲜甜，但滑滑的口感真的挺滋味。
炸鱿鱼圈系我嘅至爱，平时去茶楼一定会点，呢度用西式煮法加上他他酱，酸酸甜甜，配上香口的鱿鱼圈，更出色。
随后叫咗个水牛蕃茄芝士Pizza，做得非常出色，佢哋互相之间嘅口味唔会抢咗对方，而且薄薄的，随时食多几块都唔觉，佢嘅皮底做得非常脆口，焗得刚刚好。
由于心痒痒嘅关系最后都叫多咗三只$10生蚝，全部比我1分钟之内食晒，真系好易入口，加上柠檬同埋海鲜酱，更为美味呢！
最后叫多咗个三色雪糕球，有我最喜欢食嘅云呢拿同埋薄荷朱古力，三球加起上嚟，唔太甜，真系为呢一餐晚餐，画上完美嘅句号，每人都系三百几蚊，有海鲜食真系非常唔错！
张贴
