Bellini (已結業)

同 friend 两个人系团购用 $389 买24只生蚝+ 1枝白酒+ 1个前菜。买时见到有三款蚝食，真系抵，所以买咗。今日去到发现舖位好细，两人枱系连住一齐。洗手间喺后街，极唔干净，要知道依到系吃蚝嘅地方。终于到食饭时间，第一道菜就系生蚝， 不过得一款 Blue Point, 即系最平个只。虽然我钟意食，但系24只同种生蚝见到都唔开胃 同一款都唔系最大问题，最大问题系啲蚝劲瘦，好多都系得返块皮，完全食唔到肉，好似食紧云吞皮。我见1月有人都系用同一个团购食蚝，𠮶啲蚝大只好多。唔知系唔系同一批蚝养咗两个月所以瘦哂。白酒就麻麻地，前菜系焗法包，普普通通。如果啲蚝系正常大细，$389 算 ok，但系宜家超贵。如果有人未用团购，我觉得应该试吓退咗佢。因为蚝太细，所以叫咗个餐。前菜系一碟沙律，又系超细，又无特别。主菜系黑松露牛肉意大利饭，等咗半个钟, 嚟咗个得拳头咁大嘅饭，用咗唔够一分钟就食完。甜品- 士多啤梨慕士，完全唔无空气系入面，似容咗嘅雪糕多啲，应该整完放咗好多日。依个餐要 $138连加一，用咗差唔多 600蚊，但系出面 100蚊都好过佢好多。仲要突登由沙田嚟食，仲要用多 30蚊食糖水先