火山燒 (已結業)

介绍朋友黎食铜锣湾火山烧，有好多海鲜肉类既滨烧放题。放题菜单以点心纸形式，有海鲜，野菜，肉类等，而饮品有冇酒精加$20 或叫啤酒加$28第一轮狂点海鲜，包括生蚝好肥美，自己加啲盐调味，仲有带子串；鱿鱼须，好弹牙。还叫了特色札幌八爪鱼饼，有啲蔬菜夹埋，成支雪条咁。之后叫牛肩同牛肉粒，火㷫㷫，还有肠；秋刀鱼有浓浓鱼肉香味；又有大葱鸡肉串，烧时搽上烧汁，香喷喷。另外每人有配给两只大虾，爽口大只。有鱼翅福袋，系素翅加腐竹袋，烧至脆口，甚有特式，还叫了一堆小食，有烧年糕，鱼蛋，玉子同即食枝豆。之后见到雏鸡，到上枱时原来有半大只，腌了香草及已烧熟，上枱后加热便可，已调好味。最尾再encore 生蚝，叫几多只都得。最后叫了秋葵同菠萝，清淡及清一清口味。埋单约$350@，不错。