喜多嬉牡蠣屋 (已搬遷) 新店位置

听朋友介绍，知道中环开咗间专食蚝嘅日本餐厅，仲要系放题添，钟意食蚝既我紧系要去试下！我地叫左个90分钟分题，有9款放题前菜，任食生蚝，烧蚝，烧帆立贝，蚝乌冬，蚝茶渍饭同埋串烧！一上枱既系放题前菜，摆盘十分精致！前菜有生蚝，象拔蚌刺身、烧白鳝、免治鸡肉串、天妇罗秋葵、天妇罗紫苏叶吞拿鱼蓉、沙律同埋渍物，仲有茶渍饭，劲丰富同吸想精！食完，我哋就叫咗任食既生蚝、烧蚝，烧帆立贝～生蚝配上醋啫喱、葱同萝卜蓉，一齐食口感丰富，蚝大大只又滑，啫喱酸溜溜好清新解腻！烧蚝同烧帆立贝好鲜甜蚝茶渍饭同乌冬，充满蚝味串烧有猪鸡同蔬菜，仲有羊架！好丰富好满足既一餐！