蠔門宴 (已結業)

一入到餐厅就听到一啲水滴音乐，好特别既背景音乐，而且同餐厅既装潢好衬。首先系日本珍珠蚝，果真最甜， 甜到连支 resling 都即刻冇咁甜，回甘就系无乜架喇，系食佢头一浸啰。Scottish rock 咸得黎甜故㖞，系一只平衡于海水同甜美之间既生蚝。Gillardeau 金属味重好多，配以淡淡既海水味，回甘复杂，不愧为 Gillardeau。绿翡翠有轻微烟熏味，我谂如果有杯威士忌喺度应该会几衬。食生蚝呢一个环节临尾都忍唔住加多只小町，手掌咁大唔在讲，蚝身滑溜 creamy，食左几啖都仲未食得哂啊。食完生既当然要试埋啲熟既啦，分别嗌左烟熏蚝同埋吉烈蚝，烟熏蚝既烟熏味相当浓郁，边位熏到好有咬口，连埋车厘茄同青瓜一齐食，倍觉清新，吉烈蚝炸得酥脆，厨师火侯控制得好好好，入面仲好 juicy 架。最尾黎个蚝饭增添饱足感，蚝身饱满，个饭啲豉油甜甜地，满足。