焱丸水產 (已結業)

朋友同事都知我钟意食日本嘢，近期好友推介公司附近的焱丸，趁刚刚完成一项繁重嘅工作，一于奖励吓自己，食个靓午餐。店内陈设甚有渔港风味，即时想起冲绳嘅泊鱼市场枱面的小炉，引发了食矶烧的欲望，就任性咁午餐食一次矶烧啦每人叫咗一个午餐，再加甲罗烧、烧蚝，仲有2个小食+特饮。午餐有前菜、沙律、味噌汤...前菜系海藻、青瓜加蟹肉，爽口开胃沙律新鲜爽脆又好味蟹噌甲罗烧有蟹膏、蟹肉、蟹籽、鹌春蛋和葱花，店员服务好好，会帮手烧埋，烧吓捞吓，最后所有材料融为一体，又香又滑好好味呀每人一只熊本岩蚝，好肥美，完全唔使自己郁手，烧熟需时，食住其他嘢先，蚝只收水后涨卜卜，好可爱，食落又爽又滑，真系呀！焱丸丼和北海道丼颜色都好靓，剌身新鲜亮晶晶够吸引。三文鱼手卷要趁紫菜未腍时食海胆好鲜甜刺身样样都鲜甜好味，特别钟意八爪鱼，好鲜，口感唔韧有咬口焱丸丼有海胆、三文鱼子、呑拿鱼蓉、蟹柳丝、蛋丝同蟹籽，捞匀嚟食好架，鲜甜、幼滑，仲有咇咇卜卜籽类，好味又过瘾酱汁焗鱿鱼够晒惹味，鱿鱼口感爽脆弹牙配料有洋葱同本菇唔怪之得个汁咁香甜啦。莲藕切成薄片炸，口感似薯片，又香又酥饮埋个热嘅柚子蜜，非常完美嘅午餐，好满足。