意蠔屋 (城市中心)

营业中

休息中

今晚拣左位于北角城市花园既意蚝屋解决晚餐，叫得意蚝屋。呢度主打既当然系意粉同蚝啦😂意蚝屋一共有6间分店系香港各区，之前系黄埔食过一次，唔知今次食物质素keep 唔keep 到呢？北角分店内里都系简单布置，可以容纳既人数唔多，不过都比黄埔个间分店大。坐低左好快就order 左4 样野，生蚝4只，芝士焗西兰花，芝士焗珍珠蚝千层面同埋盐烧牛脷😂即开生蚝味道唔错，$148 一共有4只蚝，食落啖啖肉芝士焗西兰花 西兰花够淋，唔会好难咬。盐烧牛脷，仲谂住系一片片，送上先知道系切左条，肉质麻麻，有部份太干身，质素一般。呢碟千层面望落好似好细份，但其实入面一共有4只蚝😂😂真系有惊喜最后仲叫左杯冻柠檬益力多，味道都几特别，可以一试整体用餐感觉唔错，服务都几好，下次可以再试下其他菜式。