蠔門宴 (已結業)

九龍城真係美食天堂之一！不過講到想食生蠔，似乎選擇真係唔太多，反而thai food 就滿街都係！But never mind ~~~因為點都俾我揾到間專食蠔，而且感覺幾良好嘅小店！蠔～門～宴！｜生蠔盤｜日本蠔：岩蠔 ＆ 小町蠔Size比外國蠔細，入口味道亦夠清淡，海水味唔算太濃，不過相形鮮味就夠突出，而且比較爽身，入口口感強烈！法國蠔：Sentinelle ＆ La Rene前者爽身，後者creamy，size 上4款當中 La Rene可謂king size，兩者同樣有很濃烈嘅海水鮮香味！入口順滑口感棉密！｜極上燒牛舌｜原先諗住小試一個普通燒牛舌，不過待應大力推介呢款「極上燒牛舌」，價錢蓙然相距近一倍，但「極上」兩字何其誘惑！不吃白不吃，果然，味道超正！入口肉質爽嫩，牛味比一般牛舌更香更濃！而且有種喺舌尖揮之入去嘅騷香！｜蠔飯｜「蠔飯」－聽起來好似有啲頹，但待應再次大大力推介，果然，簡單原是不簡單！待應講解說個飯係用上日本蠔煮成嘅湯底，配上珍珠米，有點像茶漬飯與中式的湯泡飯。入口啖啖都係生蠔嘅咸香同鮮味！正！