四季煲仔飯

营业中

休息中

六点半入尘，岩岩坐到最后几个空位，我地坐等食物果阵，见到外面已经排哂长龙！好彩行快两步！三个人叫左个大蚝饼，蜡肠排骨同滑鸡煲仔饭。蚝饼先上，两个煲仔饭都要等几耐下，差不多要十分钟。个蚝饼炸到好脆，好够咸。不过一定要趁热食，冻左又林又腥，我个人唔系好摆得落口。另外台面会有支辣椒酱俾你淋，不过基本上系酸甜酱，落左无咁寡咁解。唔知系咪我唔识食煲仔饭，个人认为同普通饭上面加送无咩分别。排骨筋比较多，蜡肠好硬。鸡就得几块。另外支豉油应该系老抽，落几多都无味，不过个颜色就好吓人。不致于唔好食，但就无咩特别。买野饮要自己去对面士多买，饮完唔好就咁放低，可以拎返去退樽。总括而言，呢间唔值得特登黎食，但行开呢头都可以试下既。