四季煲仔飯

营业中

休息中

假日7pm，虽然多人，但条队好快清，等10分钟就可以入座。而家煲仔饭仲送饮品，我地叫左蚝饼、通菜同煲仔饭。腊肠排骨煲仔饭排骨好嫩滑，腊肠咸香有肉感，煲仔饭煮得岩岩好，米饭干爽咬落软绵，饭焦香脆，唔会㶶哂。白鳝滑鸡煲仔饭白鳝皮爽肉弹唔腥，鸡肉超嫩滑，煲仔饭一样做得咁好，比之前好左。鸭蛋蚝饼（小）炸得够透，超脆口仲好香，油味都重，所以食完有点腻，但蚝超级大粒又肥美，好抵食，份量足，粒粒都饱滑肥美胀卜卜。腐乳通菜个腐乳酱味道浓郁，咸香有层次，仲有酒味突出，配通菜一流，份量亦很足。