皇室宴會廳

营业中

休息中

系迪士尼入面，揾食真系好辛苦，又贵，又多人；而且都冇得话拣好系边食架啦，小朋友要玩，基本都要等佢地玩到够先愿食。依个Lunch就由12点叫食叫到点几先有得食呢。所以呢，同太多个小朋友一齐去迪士尼都几辛苦架。皇室宴会厅既食真系唔平，全部都Over 100蚊既；不过其实我都冇留意其他Counter既食物几钱，因仔仔一入去就锁定西式。全部一个价129蚊一个主食一杯汽水。Pizza加焗猪扒饭，系我同仔仔Share的，原本仔仔Order Pizza的；但系我早知佢唔会够饱，所以就由我Order焗猪扒饭。最后，都未拎到埋位食，仔仔就话同我交换啦，佢主食猪扒饭再加少少Pizza，饭就比番2啖我咁啰。Pizza好薄，其实除左系米奇头外完全冇特别，反而个猪扒饭又意外地好食㖞。侄子Order左肉丸意粉，唔知系侄子比较细食？偏食？明明睇落几吸引的意粉，见佢食左几啖就开始唔愿食；食到一半左右直情放弃拎埋电话出黎玩。最后要我出声叫佢唔好浪费食物先食多1/3咋。另外几个侄子重过份，食拉面食极都重有大半碗系度好彩佢地早走，如果Dinner重要对住佢地咁食野法；我真系觉得浪费晒我同仔仔的玩乐时间系度等佢地誓愿呢。