Café Life (元創方) (已結業)

今日星期日，去左行PMQ。今日好多舖头都有开好多嘢行，好多嘢都好靓。不过，唔知系唔系因为今日天气好冻，所以好多地方都开咗暖气。加上着咗好厚衫，我哋行舖头行到好焗又好热。所以决定黎个中场休息，落去饮杯嘢先。经过朋友介绍，就选定呢一间。因为今日晏昼已经饮咗杯latte ，加上而家好口渴，就唔想再饮有奶嘅嘢。所以我就决定叫茶类(mango passion fruit ice tea)。好好饮，又解渴。不过佢芒果味比热情果重好多，果味完咗之后就会有茶味，饮得出佢茶底好靓。成杯嘢饮唔会好甜，解渴一流。话咁快就饮完一杯，如果下次再经过我都会再买。重点系价格又唔算好贵。推介。