影片
更多
2023-06-25
679 浏览
牛角老板公布咗会行平民路线之后的确好快就已经行紧平民路线了不过我讲嘅系肉类质素下降价钱不变。近来喺呢间牛角食咗两次，一次系buffet一次系单点。 餐厅环境系standard嘅牛角buffet setting。 先讲单点。以前喺牛角食单点肉类质素还ok， 日本和牛都有应有嘅质素。 话晒价钱都唔算低。而家畀紧嘅系一样嘅价钱食紧街市特价所谓嘅和牛嘅质素。其中我哋嗌咗一个和牛十胜拼盘。应该最靓嘅雪花牛个样请见照片。我哋立刻同送嘢食嘅职员反映佢答都冇答一句令转头就走咗。 当然唔会觉得有咩服务质素，但系都唔使咁呀嘛。我再尝试同其他职员沟通，经理好快都过咗嚟去讲解。 经理态度可以还会认真讲解，我要求佢换过两块唔好咁核突嘅畀我，不过倾咗几句我意识到再要求都唔会有结果， 所以就放弃。只能说牛角呢间嘢不会有下次。 再讲下任食其实烧肉任食而家有好多选择。 性价比高嘅一定唔系牛角。 今次去帮衬纯粹因为就脚， 再一次买个教训，行多两步去旺角食。我哋嗌咗一个安格斯牛任食餐。呢度上菜算快， 但系啲肉真系好难食。 牛冇牛肉味，猪冇猪肉味 。 自助区选择好少。 同同集团的牛涮锅一样 ， 好寒酸嘅感觉。 总括嚟讲呢个集
近来喺呢间牛角食咗两次，一次系buffet一次系单点。 餐厅环境系standard嘅牛角buffet setting。
先讲单点。
以前喺牛角食单点肉类质素还ok， 日本和牛都有应有嘅质素。 话晒价钱都唔算低。
而家畀紧嘅系一样嘅价钱食紧街市特价所谓嘅和牛嘅质素。
其中我哋嗌咗一个和牛十胜拼盘。应该最靓嘅雪花牛个样请见照片。
我哋立刻同送嘢食嘅职员反映佢答都冇答一句令转头就走咗。 当然唔会觉得有咩服务质素，但系都唔使咁呀嘛。我再尝试同其他职员沟通，经理好快都过咗嚟去讲解。 经理态度可以还会认真讲解，我要求佢换过两块唔好咁核突嘅畀我，不过倾咗几句我意识到再要求都唔会有结果， 所以就放弃。只能说牛角呢间嘢不会有下次。
再讲下任食
其实烧肉任食而家有好多选择。 性价比高嘅一定唔系牛角。 今次去帮衬纯粹因为就脚， 再一次买个教训，行多两步去旺角食。
我哋嗌咗一个安格斯牛任食餐。呢度上菜算快， 但系啲肉真系好难食。 牛冇牛肉味，猪冇猪肉味 。
自助区选择好少。 同同集团的牛涮锅一样 ， 好寒酸嘅感觉。
总括嚟讲呢个集团嘅嘢每况愈下。而家同人讲开牛角牛涮锅个个都拿埋口面讲好难食。 以后唔会再去。自己贪方便抵死。
张贴
