興隆車仔麵 (已結業)

火车站装修，只系得番一间连锁快餐仲有开,但食物选择比街外同系列快餐店少,而且价钱亦比较贵,试过几次真系企咗喺度谂唔倒食咩,结果有一次买咗嘢食坐低，望去对面,见到有人坐喺度食嘢就谂不如下次去帮衬。终于有一日等到有机会去,行呀行，行呀行,行到最入先见到有两间开做早餐，反正总有机会试,今次先试车仔面,下次再试入啲𠮶间。企定定睇个餐牌,选择真系多个火车站好多，毕竟做车仔面要准备好多嘢。但第一次帮衬，试番啲大路嘢先,登登登就系沙爹牛蛋面，加杯奶茶。奶茶其实完全冇期望望，毕竟只系一个美食广场，可以话系四平八稳，冇咩茶香唔滑，但又唔系立顿茶包冲出嚟，$24收货喇。至于个面，啲牛肉唔系用食粉腌到冇晒味,因为落咗汤可能有少少影响沙爹，所以唔系太浓烈，下次会试吓走汤。个面煮得啱啱好,唔会太淋或太硬。煎蛋系熟黄,喜欢太阳蛋嘅朋友就可能要另外要求。总括唻讲,咁嘅价钱同车站比系绝对超值,希望可以多啲人帮衬支持吓小生意，食完行番去搭车，当做吓运动！