影片
更多
2020-10-07
254 浏览
星期日瞓醒起身行咗去坚尼地城𠮶边觅食，今时唔同往日，呢头嘅餐厅多到每日食一间、一个月都未必试得匀。起身无耐想食得清淡啲，素菜会系一个好选择，起码避免咗大鱼大肉🍖。「素菲亚Sofia」利用咗「素」字名命，既有气质，又切合素食主题。环境好清新，简约装修令人舒服，我最钟意光光猛猛嘅餐厅☺️。餐厅有做午市套餐，另外亦有单点餐单，两者嘅价钱分别其实唔算太大🙈。由于想食多样主菜，所以呢日就无嗌餐汤了。后尾我仲发现网上订台原来有折！豆腐英雄汉堡配薯条($138)，虽然听就听过好多次豆腐汉堡，但食都系第一次，佢加埋英雄两个字，感觉特别型😎。成个组合颇为丰富，有沙律菜、炸薯条同主角－豆腐英雄汉堡。「汉堡扒」超巨型，有我手掌咁大块🖐️，而且好厚身，估计有3-4cm高，相当坠手呢！不过好搞笑地意式香草软包就只得薄薄一片，但醉翁之意不在酒，无所谓啦，仲唔驶咁饱滞添。两者中间涂咗层黑松露沙律酱，十分惹味；而最上层嘅紫椰菜同菜式劲夹，微酸味带走咗吉列嘅油腻。吉列豆腐扒味道不比牛肉汉堡扒逊色，皆因豆腐压碎后仍然保持少少滑嘅口感，但同时加入咗唔同嘅蔬菜，如菇菌、洋葱粒同生菜等，咬落带点爽口，几正😋！伴碟嘅炸薯条亦好好食🍟
「素菲亚Sofia」利用咗「素」字名命，既有气质，又切合素食主题。环境好清新，简约装修令人舒服，我最钟意光光猛猛嘅餐厅☺️。
餐厅有做午市套餐，另外亦有单点餐单，两者嘅价钱分别其实唔算太大🙈。由于想食多样主菜，所以呢日就无嗌餐汤了。后尾我仲发现网上订台原来有折！
豆腐英雄汉堡配薯条($138)，虽然听就听过好多次豆腐汉堡，但食都系第一次，佢加埋英雄两个字，感觉特别型😎。成个组合颇为丰富，有沙律菜、炸薯条同主角－豆腐英雄汉堡。
豆腐英雄汉堡配薯条
$138
6 浏览
0 赞好
0 留言
吉列豆腐扒味道不比牛肉汉堡扒逊色，皆因豆腐压碎后仍然保持少少滑嘅口感，但同时加入咗唔同嘅蔬菜，如菇菌、洋葱粒同生菜等，咬落带点爽口，几正😋！
伴碟嘅炸薯条亦好好食🍟，因为佢系新鲜炸起，外脆内软，而且可能系手切。斋沾茄汁食已经食到停唔到口。
泰式冬荫意大利饭
$128
11 浏览
0 赞好
0 留言
我除咗欣赏佢个味道之外，食物造型亦都十分抵赞。如果唔知呢度系食素，根本会以为呢碟系海鲜意大利饭。素虾🍤我唔系第一次见，所以无乜特别，佢口感同真虾同样弹牙。我反而被粒「煎带子」吸引住，因为厨师劲有心机喺件鸡肶菇上雕花，个样似到十足十。我本身以为系用一碌嘅玉子豆腐扮带子。
黑松露杂菌意大利饭
$128
12 浏览
0 赞好
0 留言
黑松露酱同牛肝菌捞埋忌廉同芝士，味道浓郁🍄，但唔会过盛，不过点都比冬阴功口味腻啲。杂菌的确唔止得一种菇，但我唔系好识啲菇名，哈哈。
饮品方面，冻士多啤梨荔枝茶🍓系唔驶加钱的，佢完全无落糖，咁仲正啦，可以帮手清清味蕾。荔枝青柠梳打(+$24)份量好似多啲，饮落有令精神为之一振嘅感觉，幸好荔枝味系天然𠮶种，唔会太人工太假，青柠中和咗甜味。
总括嚟讲，呢餐再次证明素菜都可以好好食，而且感觉仲健康啲，或者我自欺欺人啦。有机会我会嚟试埋其他菜式！餐厅一踏入中午十二点半食晏时间就开始多人，有兴趣可以喺网上订定枱，咁就唔驶惊白行一趟啦😝。
张贴
