周記點心

营业中

休息中

近日秋高气爽，难得同两老一齐有假放，当然要行下山活动一下，就前进香港岛去下薄扶林水塘。郊游前要填肚，先系西环落脚。大清早，又同屋企人一齐，自必然首选饮茶食点心。虾饺、烧卖为必然选择。鲜虾大大只又爽口。烧卖好足料。凤爪排骨饭，亦都水准中上。虾多士系招牌菜，外层炸多士香脆，芝麻满铺，食落特别香口，虾胶当然亦系啖啖肉，再点沙律酱，一流！果然系必食推介！唯独是炸野始终比较热气，一件就够晒数。 春风得意肠，即肠粉包春卷，亦都好味，肠粉皮薄，春卷入面都系啖啖虾肉。不过两样热气野食，要二拣一既，都系非虾多士莫属。最后唔少得既，当然系红极一时既奶黄流沙西多士！估唔到朝早都有得叫，几饱都要试埋佢！睇住佢一切开，入面既奶黄馅涌泉而出，再食佢落肚，实在为人生一天乐事。虽然有些许热气，但都值得一试。好味既流沙奶黄包唔多，但总会揾到，而好味既奶黄流沙西多士，就真系只此一家。对住咁邪恶既食物，三个人竟然食得晒。食到肚满肠肥，好彩最后都行左四五个钟去消化。